Сынып жетекшілер әдістемелік бірлестігінің атқарылған жұмыс сараптамасы

«Мәлік Ғабдуллин ауылының негізгі орта мектебі» КММ 2022-2023 оқу жылындағы              сынып жетекшілер әдістемелік бірлестігінің атқарылған жұмыс сараптамасы .

Мектептің сынып жетекшілер әдістемелік бірлестігінің құрамына кіретін мұғалімдер :

       Оқу жылының басынан бастап әдістемелік бірлестіктің 5 отырысы өтті. Алдын ала жасалған жоспар бойынша сынып жетекшілері әр отырыста өзекті мәселелер бойынша баяндамалар оқып, өз тәжірибелерімен бөлісті.

       Сынып жетекшілері пән мұғалімдігімен қатар жетекші ретінде өз сыныбымен етене араласып, оқыту мен тәрбие үдерісінде  оқушылармен бірге жүретін жан. Сондықтан әр жетекші өз оқушыларын жан- жақты танып, қызығушылығы мен дарынын жетелеп отырады. Сонымен қатар тоқсанда бір рет жиналып әдістемелік бірлестік отырысында  өз тәжірибелерімен бөліседі.

        Әдістемелік бірлестіктің бірінші отырысы қыркүйек айында өтті. Онда директордың тәрбие істері бойынша орынбасары Мөлдір Бекболатовна жаңа оқу жылына жасалған жоспармен сынып жетекшілерді таныстырып, олардың пікірін тыңдады. Жоспармен барлық мұғалімдер танысып келісті.                                                                                                         ӘБ жетекшісі  Айнаш Кайрбаевна сынып жетекшісінің бумасымен таныстырып, нұсқаулық өткізді.8 бағыт бойынша түсінік берілді.Жаңадан келген жас мамандарға әдістемелік көмек көрсетілді.                                                                      

        Әдістемелік бірлестіктің екінші отырысы қараша айында өтті. Бірінші мәселе бойынша  директордың тәрбие істері бойынша орынбасары Мөлдір Бекболатовнаға  сөз берілді.  «Қыз тәрбиесі,ұл тәрбиесі» атты дөңгелек үстел өткізді.Өз тәжірибесінен, өмірден мысалдар келтірді. Сынып жетекшілер өз тәжірибелерімен бөлісті.    

      Келесі сөз кезегі мектеп психологы Бектурганова Гүлдана Жұмабековнаға берілді.     

 Берілген тақырып бойынша пікірлесу алаңы болды. Тақырыбы:«Бала жақсы оқу үшін қалай көмектесу керек?» Өз тәжірибесімен бөлісті. Сынып жетекшілер түгел қатысып, белсенділік танытты. Пікірлесу алаңы  өте тартымды өтті.Сынып жетекшілер топқа бөлініп жұмыс жасады.                                       

     Осыдан кейін 9 сынып жетекшісі Бегайдар Диана Батырбекқызы сөз алды.  «Бала-ата-ана-ұстаз үштігі қарым-қатынасындағы тәрбие мен оқытуда қиындықтың алдын алу» тақырыбында баяндама оқыды.Ата-аналармен жүргізілетін жұмыстарды одан әрі жандандыру керектігін баса айтып өтті. Жас маман болса да,өз тәжірибесінен мысалдар келтірді.     

     Қаңтар айында әдістемелік бірлестіктің үшінші отырысы болды.  Тәрбие ісінің меңгерушісі Жетенов Нұржан Мұратбекович  «Мектептегі тәрбие жүйесін басқарудың ерекшеліктері»атты баяндамасымен бөлісті. Тәрбие жүйесін басқарудың ерекшеліктеріне көбірек әрі нақты тоқталып өтті Сынып жетекшілер топқа бөлініп жұмыс жасады.Тренинг өткізілді.Тренинг ұстаздарға қатты ұнады.Осыдан кейін бастауыш сынып мұғалімі «Заманауи сынып жетекшісінің жаңа міндеттері » тақырыбында баяндама оқыды. Қазіргі кездегі жаңа форматтағы сынып жетекші қандай болу керектігіне баса назар аударды.Өз іс-тәжірибесімен  бөлісті.ӘБ жетекшісі Тасмагамбетова Айнаш Кайрбаевна өмірден мысалдар келтіре отырып,нақты кеңестер берді.Кеңестің тақырыбы: «Баланың жан-дүниесін түсіне білеміз бе?». Тәрбие берудің негізгі мәйегі - мейірім мен сүйіспеншілік екенін баса айтты.

           Наурыз айында әдістемелік бірлестіктің 4 отырысы өтті. 7 сыныптың сынып жетекшісі Алеева Найля Зарифовна «Рухани - адамгершілік  тәрбиесінің маңыздылығы» тақырыбында семинар-тренинг өткізді.  Тренинг психологиялық ахуалдан басталды.Сынып жетекшілер екі топқа бөлініп жұмыс жасады.             

        Бастауыш сынып мұғалімі Отебаева Арайлым Сериковна «Сынып жетекші жұмысының бастауыш сынып оқушыларын тәрбиелеудегі бағыттары» атты баяндама оқыды.

        Бастауыш сынып оқушыларын тәрбиелеудегі бағыттарға тереңірек тоқталып өтті.. Өз іс-тәжірибесінен мысалдар келтірді.

        Содан кейін тарих  пәнінің  мұғалімі  Мукажанов Бағлан Мырзабекович  «Сынып жетекшісінің міндеттері мен функциялары» атты презентация  көрсетті.  Сынып жетекшісінің міндеттеріне нақтылап әрі жеке-жеке тоқталды.

        Мамыр айында әдістемелік бірлестіктің бесінші отырысында жыл бойы атқарылған жұмыстар қорытындыланды.Тәрбие істерінің меңгерушісі Мөлдір Бекболатовна жоспарланған барлық шаралар жақсы деңгейде өтті. Алға қойған мақсат пен міндеттерді жемісті орындадық деп ұжымға алғыс білдірді. Екінші мәселе бойынша оқушылардың жазғы демалысын ұйымдастыру қаралды. «Жаз-2023»  жазғы сауықтыру алаңы жұмыс жасайтын болады.  Оған жауапты тәрбиешілер:Тасмагамбетова А.К., Дюсембина А. Е.,Шикерова Г.А.,Аманбаева М.Е., аға тәлімгер Водовозова Н.В.                                                         

       Әртүрлі мәселелер бойынша сыныптардағы жөндеу жұмыстары талқыланды.  2022-2023 оқу жылында сынып жетекшілер белсенді жұмыс істеді. Мектепте ешқандай өрескел тәртіп бұзу мен құқық бұзу фактілері тіркелген жоқ. Жоспарланған шаралар ойдағыдай өтті. Бұның бәрі  үздіксіз жүріп отыратын сынып жетекшілерінің жұмысының жемісі.

                                                                                ӘБ жетекшісі: Тасмагамбетова А. К.