Өрт қауіпсіздігі: өмірді сақтайтын білім

 Өрт қауіпсіздігі: өмірді сақтайтын білім

Өрт — кез келген мекемеде орын алуы мүмкін ең қауіпті төтенше жағдайлардың бірі. Ересектер төтенше жағдайда дұрыс әрекет ете алса, балалар көбіне абдырап, үрейге бой алдырады. Сондықтан өрт кезіндегі әрекеттерді үйрету жұмыстары үнемі жүргізіліп, шынайы жағдайға барынша жақын ұйымдастырылуы тиіс.

Өрт қауіпсіздігі мәселесі ерекше мұқияттылықты талап етеді. Тек жоспарлы эвакуациялық жаттығулар өткізумен шектелу жеткіліксіз. Қызметкерлердің дайындық деңгейін күтпеген тексерулер арқылы бақылау, қосалқы шығу жолдарының жағдайын қарау, өрт сөндіргіштердің бар-жоғын және жарамдылығын тексеру, өрт дабылы жүйесінің жұмысын қадағалау қажет. Анықталған кемшіліктер жедел түрде жойылуы тиіс.

Бұл бағытта адам факторы ерекше маңызға ие. Қызметкерлермен өрт сөндірудің бастапқы құралдарын пайдалану бойынша тәжірибелік сабақтар өткізу қажет. Балалар үшін өрт сөндіру бөлімдеріне экскурсиялар ұйымдастыру пайдалы, онда олар мамандардың жұмысымен танысады. Үгіт бригадаларының байқаулары мен тақырыптық іс-шаралар қауіпсіздік ережелерін балаларға шығармашылық түрде жеткізуге көмектеседі.

Өрт қауіпсіздігі — формализмге жол беруге болмайтын сала. Балалар мен қызметкерлерді оқытуға қаншалықты жауапкершілікпен қаралса, төтенше жағдайда адамдардың өмірі соған байланысты болады. Техникалық инспектордың міндеті — өрт қауіпсіздігі бойынша білімді жай формальды емес, іс жүзінде қолданылатын деңгейге жеткізу.

Еңбекті қорғау жөніндегі техникалық инспектор: Негметжанова Г.М.